४ पुस, पोखरा । खेलकुदको मुख्य थलो पोखरा रंगशाला । जहाँ सयौं खेलाडी हरेक विहान पुग्ने गर्छन् । तर, त्यहि रंगशालामा लाहुरे टे्रनिङ हुँदा खेलाडीले समस्या झेल्दै आएका छन् । रंगशालामा लाहुरे टे्रनिङ गर्दा खेलाडीको एकाग्रता भंग हुने, लाहुरे टे्रनिङ सिक्न आएकाहरुले जथाभावी दिसा पिसाब गर्दा दुर्गन्ध फैलिएर बस्न सक्ने अवस्था आएको गुनासो छ । तर, अब पोखरा रंगशालाबाट लाहुरे ट्रेनिङ हटाइने भएको छ । अबको २ हप्तापछि पोखरा रंगशालाबाट लाहुरे ट्रेनिङ सेन्टर हटाउन लागिएको हो । क्षेत्रीय खेलकुद विकास समितिले पोखरा रंगशालाबाट लाहुरे टे्रनिङ हटाउने प्रक्रिया शुरु गरेको जनाएको छ ।
पोखरा रंगशालाभित्र फिजिकल फिटनेसको नाममा पोखराका लाहुरे ट्रेनिङ सेन्टरहरुले टे्रनिङ गराउँदै आएका थिए ।वाषिर्क रुपमा भाडा तिरेरै उनीहरुले रंगशालालाई टे्रनिङ सेन्टरको रुपमा प्रयोग गर्दै आएका हुन् ।उनीहरुले वाषिर्क ७ लाख रुपैयाँ जिल्ला खेलकुद विकास समिति कास्कीलाई बुझाउँदै आएको बताईन्छ । भाडा तिरेपनि खेलकुदलाई नै प्रभावित पार्ने देखिएकाले लाहुरे टे्रनिङ सेन्टर हटाउने निर्णयमा पुगेको क्षेत्रीय खेलकुद विकास समितिका अध्यक्ष खगराज पौडेलले बताए । लाहुरे ट्रेनिङ गराइराखे खेलमा नै असर पर्ने भो, पौडेलले भने-‘खेलकुद नै बिगि्रने अवस्थामा भाडा आउँछ भनेर टुलु-टुलु हेरेर बस्न सकिएन ।’
उनले लाहुरे ट्रेनिङका लागि पुग्ने ६/७ सय जनाले हरेक दिन रंगशालालाई शौचालय बनाउँदा दुर्गन्ध फैलिएको बताए । त्यस्तै एक्लै मर्निङ वाकका लागि जाने महिला तथा महिला खेलाडीहरुलाइ समेत जिस्काउनेलगायतका हर्कत हुनेगरेको बारम्बार गुनासो आएकाले पनि यो निर्णय लिइएको उनको भनाइ छ ।यसैबीच, जिल्ला खेलकुद विकास समिति कास्कीले पनि रंगशालामा लाहुरे टे्रनिङ बन्द हुने पुष्टी गरेको छ । समितिका कास्की अध्यक्ष याम गुरुङले अब छिट्टै रंगशालामा भएको लाहुरे टे्रनिङ बन्द हुने बताए ।
अत्याधुनिक पोखरा रंगशाला बनाउनको लागि पुरानो रंगशाला भत्काउन शुरु भएसँगै लाहुरे टे्रनिङ स्वतः बन्द हुने बताए । सम्भवत पुष १२ गते वा त्यसको १/२ दिन पछि देखिनै त्यहाँ संघसंस्थाको ट्रेनिङ गराउन बन्द गरिने उनको भनाइ छ । लाहुरे ट्रेनिङ सेन्टरहरुले खेलकुदमा असहज भएको कुनैपनि अवस्थामा ट्रेनिङ बन्द गर्न सदैव तयार रहेको जनाएका छन् । जिल्ला खेलकुद विकास समितिले भनेझैं दोश्रो साताबाट रंगशाला भत्काउन शुरु हुने श्रोतले बताएको छ । फागुनको दोश्रो साताबाट निर्माण सुरु हुने जनाइएको छ ।१३ औं दक्षिण एशियाली खेलकुदलाई मध्यनजर गर्दै पोखरा रंगशाला निर्माणको विडिङ अन्तिम चरणमा पुगेको छ । करिव १ अर्ब २० करोडको लागतमा पोखरा रंगशाला निर्माण हुने बताइएको छ ।
साभारः अनलाइन खबरबाट
No comments:
Post a Comment